Гзафбуру кофе инсандин сагъламвал патал зиян авайди яз гьисабзава. Гьакъикъатда лагьайтIа, кофедихъ чи сагъламвал, кIубанвал патал еке хийир ава.

2002-йисуз Гарварддин алимри кьиле тухвай ахтармишунри къалурайвал, йикъа кьуд чашкадилай тIимил тушиз кофе хъвазвай инсанрин туькьуьлдин куркурда къванер арадал атунин мумкинвал тIимил я;

кофедихъ инсандин кьатIунар, зигьин (память) хъсанардай къуватни ава;

алимрин делилралди, кофе хъвазвайбурук шекердин диабет ва дишегьлийрин некIедин железадик рак акатунин хаталувал агъузарзава;

кофеди бедендин адетдин заланвал хуьз, артух килограммрикай магьрум жез куьмекзава;

кофеинди Паркинсонан азар (фалужди яна, бедендик зурзун акатун) акатуникай хуьзва;

кофеди, зайиф хьанвайла, инсандиз алава къуватар гузва.

Лагьана кIанда, кофедихъ хийирлу маса ериярни ава. Гьа са вахтунда духтурри гипертония, стенокардия, атеросклероз, нервийрихъ галаз алакъалу азарар авайбуруз, кIвачерал залан дишегьлийриз гзаф кофе хъун меслятзавач.

Гьазурайди — Агьмед Магьмудов