Чи машгьур ватанэгьли Сулейман Керимова Украинада кьиле физвай махсус серенжемда телеф хьайи кьасумхуьруьнви, кьейидалай кьулухъ Россиядин Игитдин тIварцIиз лайихлу хьайи Султан Сулейманован хизандиз, куьмек яз, цIийи кIвалер пишкешна. Идакай РФ-дин Госдумадин депутат Хизри Абакарова вичин телеграм-каналда хабар гана.
Игитдин буба Сулейман Сулейманова чпин хизандиз чIехи куьмекар гунай Сулейман Керимоваз сагърай лагьана ва вири ватанэгьлийри адал лайихлудаказ дамахзавайди къейдна.
РикIел хкин, са кьадар вахт идалай вилик Игитдин диде-бубадихъ галаз Дагъустандин Кьил Сергей Меликова кьиле тухвай гуьруьшдал Хизри Абакарова, Сулейман Керимован патай куьмек яз, Сулеймановрин хизандив 5 миллион манатдин сертификат вахканай.
Султан Сулеймановаз кьейидалай кьулухъ Россиядин Игитдин тIвар гунин Указдал РФ-дин Президент В. Путина алай йисан июндин эхирра къул чIугуна. Адан диде-бубадив «Къизилдин Гъед» Махачкъалада Дагъустандин Кьил С. Меликовани Кьибледин военный округдин регьбердин заместитель Владимир Кочеткова вахкана. Султан Сулейманов СВО-да иштиракзавай дагъустанвийрикай Россиядин Игитдин тIварцIиз лайихлу хьайи 14 — кас я.
Чи мухбир
