Дагъустандин вузра студен­тар кьабулунин кIвалах га­тIун­нава. Мектебар акьалтIар­на­вай­бурухъ документар санлай 5 вуздиз вугудай мумкинвал ава.

Алай йисуз республикадин­ кьилин вуз яз гьисабзавай­ ДГУ-ди бакалавриатдин — 39, спе­циа­­литетдин — 7 ва магист­ра­турадин 30 хиляй гележегдин­ студентар кьабулзава. 2025-2026-кIелунин йисуз­ универ­ситетда бюджет­дин­­бур­ тир 1158 чка ава. Абуру­­кай 875-бакалавриатдиз, 261-ма­­­гист­рату­радиз ва 22 спе­циалитетдиз ча­ра авунва. ГьакIни ДГУ-да он­лайн-къайдада кьиле тухудай курсар ачухунни фикирдиз къачунва.

Мектебар акьалтIар­навай­бу­­рувай вуздик экечIун патал до­кументар 25-июлдалди (бакалавриат, специалитет) ва 14-августдалди (магистратура) вугуз жеда.

Вуздиз документар вугудай са шумуд къайда ава:

• приемный комиссиядиз агакьарун;
• «Госуслуги» порталдин куьмекдалди;
• вуздин электронный поч­тадиз ракъурун.

Лезгият  Шагьпазова, ДГУ-дин магистрант