Россиядин Федерациядин Президент Владимир Путина регионрин регьберрихъ галаз гуьруьшмиш хьайи гьар сеферда абуру дяведин махсус серенжемда иштиракзавайбуруз ва абурун хизанриз гузвай куьмекрикай хабар кьазва. И важиблу месэладиз гьар йикъан фикир гана кIанзавайди рикIел хкизва. Дагъустандин Кьил Сергей Мели­кован тапшуругъдалди чи муниципалитет­рин регьберрини и месэладиз артух фикир гузва.

Мегьарамдхуьруьн райондин администрациядин кьил Фарид Агьмедова дяведин махсус серенжемда телеф хьайи игит рухвайрин диде-бубайрал ва хендедайрал кьил чIу­гуна, абуруз суварар мубаракна ва теселлидин гафар лагьана. Ватандин итижар патал чанар къурбанд авур рухваяр рикIел хкана.

Администрациядин векилар Гъеп­цегьа Саркаров Ризабеган­, ЦIийихуьре Къазиев Мерабан, Кье­пIир-Къазмайрал Эдуард Балаеван­, Ширинбег Гьажибегован, Хтун-Къаз­майрал Насруллагь Агьмедханован, Ярукьваларик Ринад Шихсаидован, Советскийда Тельман Къагьрима­но­­ван кIвалериз фена ва Айшат Чубановадиз, Рефига Къазиевадиз, Раиса Балаевадиз,­ Света Гьажибеговадиз, Гуьлнара Агьмедхановадиз, Халум Шихсаидова­диз, Сувар Къагьримановадиз викIегь рухваяр тербияламишунай баркалла ла­гьана.

Чи мухбир