Алатай гьафтедин ял ядай йикъара Кьурагь райондин КIирийрин хуьруьн школа-интернатдин спортдин залда, Ватандин Игитрин йикъан сергьятра аваз, генерал М. Къагьриманован экуь къаматдиз бахшна, райондин идарайра кIвалахзавай ксарин командайрин арада волейболдай гьар йисуз тухун адет хьанвай турнир кьиле фена.
Райадминистрациядин физический культурадинни спортдин ва жегьилрин крарин рекьяй отделдин спортдин календардал асаслу яз кьиле тухузвай и серенжемдин макьсад районда волейбол машгьурун я. ИкI, къизгъин бягьсерин нетижада «Кьурагь» команда — 1, Кьурагьрин 2-нумрадин юкьван школадин муаллимрин команда — 2 ва «РОВД» команда 3-чкайриз лайихлу хьана.
А. Гьасанан тIварунихъ галай медениятдинни марифатдин центрадин регьбер С. Гьамидова турнирдин тешкилатчийрив — чухсагъулдин чарар, гъалибчи командайрив ва виридалайни хъсан къугъвай спортсменрив шабагьар, пишкешар вахкана.
Регина Семедова
