21-мартдиз Дагъустандин Кьил Сергей Меликова интернетдин куьмекдалди СКФО-да РФ-дин Векил Юрий Чайкадин регьбервилик кваз кьиле фейи совещанида иштиракна. Мярекатдин сергьятра аваз, Украинада кьиле физвай махсус серенжемдин иштиракчийриз вири рекьерай куьмекар гунин месэлаяр веревирдна.

Округда уьлкведин регьбердин векилди регионрин кьилериз аскерар герек затIаралди таъминарунин кIвалах хсуси гуьзчивилик кутуниз эвер гана. Юрий Чайкади къейд авурвал, абурун хизанриз яшайишдин рекьяй гузвай куьмекар вахтунда ва хъсан ери аваз агакьарун важиблу я.

Серенжемда иштиракзавайбуруз ва абурун хизанриз яшайишдин жуьреба-жуьре хилерай куьмекар гунал гьалтайла, Дагъустан уьлкведин регионрин арада кIвенкIвечи чкадал ала. Кьилди къачуртIа, республикади аскеррин игьтияжар патал 5000 тонндив агакьна жуьреба-жуьре затIар рекье тунва. Идалай гъейри, Дагъустанда яшайишдин “Все вместе” фонд кардик кваз йисалай пара вахт я. Ам аскеррин хизанриз куьмекар гун патал Сергей Меликован теклифдалди арадал гъанай.

Чи мухбир