22-ноябрдиз Ахцегь районда экологиядиз талукь серенжем кьиле тухвана. Дагъустандин вице-премьер Нариман Абдулмуталибовахъ галаз санал адан иштиракчийри шамагъаждин 800 къелем цана.
РикIел хкин хьи, алатай йисуз Хуьруьгрин хуьруьн патав цIай кьунин нетижада тамук акатзавай 6 гектардилай виниз чка цIу тергна.
Къейд авун лазим я хьи, тама цанвай къелемрин чIехи пай Дагъустандин Халкьдин Собранидин депутат Имам Яралиева чара авунвай. Там арадал хкунин карда Ахцегь райондиз куьмек гун патал лазим кьадар къелемар гуниз вич гьазур тирдакай ада гьеле гатфариз, Халкьдин Собранидин сессиядал рахадайла, раижнай. Серенжемдин тешкилатчийри гайи гаф кьилиз акъудунай ва ихьтин крара активнидаказ иштирак авунай Имам Музамудиновичаз сагърай лагьана.
Там арадал хкунин серенжемар тамам са йисалай давам хъжеда: 2026-йисан зулуз ина 1500 къелем мад цун пландик кутунва.
Регина Семедова
