Мегьарамдхуьруьн районда «Хожа-Къазмаяр-Азадогъли» рехъ цIийикIа туькIуьр хъувунин кIвалахар давам жезва. Ана къир цунин кIвалахар «Инфраструктура для жизни» милли проектдин сергьятра аваз кьиле тухузва.

Къейд ийин хьи, ихтилат физвай рекьихъ неинки са чкадин агьалияр, гьакIни Дагъус­тандин кьиблепата авай надир­ Самурдин тамуз ва чкадин тIе­биатдиз килигиз къвезвай туристар патал еке метлеб ава. ­Малум тирвал, Азадогъли хуьр тIебиатдин «Самурский» заказникдин сергьятриз мукьва я. Самурдин тамуз фидай и рекьелай куьруь маса рехъни авач. Гьар йисуз агъзурралди туристар къвезвай и чкайриз физвай рехъ къайдадик кухтун гьакъи­къатдани важиблу месэла я.

РД-дин транспорт­дин ва ре­кьерин ма­йишатдин министер­стводин пресс-къул­лугъди ­ха­­бар гузвайвал, къенин юкъуз­ ре­кье­ къир цана саки­ акьал­­­тIар­нава. И кар­­дихъ галаз санал­ рекьин ­бязи учас­ток­ра, турбаяр куту­на, са па­тай маса­ патаз яд фидай­ махсус чкаярни туь­кIуьр­нава. Мукьвара рекье улакьрин гьере­кат­диз талукь бя­зи лишанар эцигда ва къерехарни мягькемарда.

Вири крар алай йисан ок­тябр­дин вацралди акьалтIарун фикирдиз къачунва.