Къанни сад лагьай Игит
Россиядин Президент Владимир Путинан къарардалди подполковник, Жуьрэтлувилин кьве ордендин сагьиб Нариман Шамсутдинович Шихалиеваз кьейидалай кьулухъ РФ-дин Игит лагьай тIвар гана. Идакай Дагъустандин Кьил Фёдор Щукина «Макс» мессенджерда хабар гана.
Нариман Шихалиев дяведин махсус серенжемда къалурай гьунаррай Россиядин Игитвилин тIварцIиз лайихлу хьайи 21 лагьай дагъустанви я.
Н. Шихалиев Табасаран райондай тир. Ада Тихий океандин флотдин гьуьлерин кьушунрин 155 лагьай кьилдин гвардиядин бригадада къуллугъна. СВО башламишай сифте йикъарилай ам хаталу мулкара хьана. Офицер 2025-йисан 2-июлдиз Курскдин областдин Коренево поселокда телеф хьана.
Чи мухбир