Садлагьана атайла хъел,
ЧIурмир вуна масадаз пел.
Жамидин
Сабурлувал лайих я мерд ксариз.
Айнар Султанова
Зи лезги халкь чам хьиз я заз
Чувалдавай къайгъуяр гваз.
Азиз Алем
Накьв техвей халкь жеда эхир накъвара.
Мурсал Алпан
Намусдин михьивилелай хъсан девлет авач.
Гьаким Къурбан
Хайи чилин кьисметдин къадир чир тахьайдаз тIебиатни акси къведа.
Тажидин Агьмедханов
Намерддивай гьахъ кIан жемир, тухуда вав гумайдини.
Бажиханум Исаева
Эвел гьисабар яхъ, ахпа ише фидай таб ая.
Расим Гьажи
Кьве чIал чир хьун хъсан я, амма кьве чин тахьурай.
Эседуллагь Наврузбегов
Мердвилелди цазва лугьуз чарада,
Жуван бармак вегьез тамир арадал.
Мердали Жалилов
Чехирдикай жедач дарман — гъалатI ахъаймир,
Къведа мадни четин заман — къуват ахъаймир.
Абдуселим Исмаилов
Девирдихъ чи амач аман, незвай азгъун куквари.
Абдул Фетягь
Гьар кьуьруькдихъ, гьар фендинихъ
Ава эхир, авазва кIакI.
Шагьбала Шагьбалаев
КIватIайди — К. КIелетви
