Какахьай женгерай акъажунар
23-августдиз Мегьарамдхуьруьн «Леки» стадиондал, «LEKI FC 6» лишандик кваз, какахьай женгерин единоборствойрай (ММА) кьиле фейи международный турнир спортдин рекье гьам тамашачияр, гьамни районэгьлияр патал итижлу ва яргъалди рикIел аламукьдай мярекатдиз элкъвена.
Турнирдин гьуьрметлу мугьманрин арада машгьур спортсмен Александр Емельяненко, кьилин лигайра чпин алакьунар къалурзавай бажарагълу спортсменар, Россиядин ва къецепатан уьлквейрин спортдин кIватIалрин векилар авай.
Хъсан тешкиллувал аваз кьиле фейи турнирда ММА-дай бажарагълу спортсменри чпин устадвал къалурна. Спортдин зурба серенжем Россиядин халкьарин садвилин йисаз талукьарнавайди тир.
Рагнеда Рамалданова