Рекьера машинар гьалзавайбуруз къайдайрал амал авуниз датIана эвер гузватIани, аварияр тахьун патал жуьреба-жуьре серенжемар кьабулзаватIани, чIуру нетижаяр арадал гъизвай агьвалатар республикада давам жезва.
ИкI, РД-дин МВД-дин госавтоинспекциядин пресс-къуллугъди хабар гайивал, 6-апрелдилай 12-апрелдалди Дагъустандин мулкара 25 ДТП арадал атана. Нетижада 1 кас кьена ва 33 касдал (абурук 4 аялни ква) жуьреба-жуьре хирер хьана.
«Гьуьрметлу дагъустанвияр ва мугьманар! Рекьерин къайдайрал амал ая. Жуван ва масабурун уьмуьрар хаталувилик кутамир!» – тикрарзава къуллугъчийри.
Чи мухбир
