Гьуьрметлу ватанэгьлияр! 9-июндин йикъан сятдин 4-даз Махачкъалада, РД-дин художникрин Союздин выставкайрин залда (Р.Гьамзатован тIварунихъ галай куьче, 113 “а” нумрадин кIвалер), чи ватанэгьли, тIвар-ван авай художник, РФ-дин художникрин Союздин член, РД-дин искусствойрин лайихлу деятель Имамали Халилович Халилован 80 йисан юбилейдиз бахшнавай шикилрин выставка ачухуниз талукь мярекат кьиле фида.
Чна квез, мумкинвал авай вирибуруз, аниз атун ва художникдин лезги милли рангаринни гьиссерин алем раижзавай яратмишунрихъ галаз таниш хьун теклифзава. Художникдин гуьзелвилин алемди куьн руьгьдай девлетлу, къуватлу, савадлу ийидайдал шак алач.
Тешкиллувилин комитет
