Играми ватанэгьлияр! 2024-йис патал куь рикI алай изданияр кхьидай вахт алукьнава

“Лезги газет” вилик йисара хьиз, 2024-йис патални почтадин алакъадин отделенийрай ва “Дагпечатдин” киоскрай кхьиз жеда. 2024-йис патал хайи чIалал акъатзавай газет кхьинин къимет шазандалай хкаж хьанва. Почтадин алакъадин отделенийрай йис патал – 1 113, зур йис патал 556 манатдихъ кхьиз жеда. Киоскрай кхьинин къимет тIимил хьанва: йис патал — 450 манат, зур йис патал 225 манат я.

РикIел хкин, Кьиблепатан Дагъустанда “Дагпечатдин” киоскар Ахцегьа, Мегьарамдхуьре, Кьасумхуьрел, Белижда, Дербент ва Дагъустандин Огни шегьерра кардик ква.

Са кар мадни къейд ийин: “Лезги газет” Урусатдин почтадин официальный сайтдайни (ссылка- https://podpiska.pochta.ru/press/ПП171?address=дагестан) кхьиз жезва, анжах — Дагъустандиз. Мисал яз, Москвада, Тюменда ва я къецепатан са уьлкведа авай ватанэгьлидивай винидихъ къейднавай сайтдиз гьахьна, “Подписка онлайн” разделда, индексрин куьмекдалди (йис патал — ПП200, зур йис патал — ПП171) “Лезги газет” жагъурна, Дагъустанда яшамиш жезвай вичин мукьва-кьилийриз газет кхьиз жеда.

Вилик йисара хьиз, цIини редакцияди “Лезги газет” — гьар са кIвализ” серенжемни кьиле тухузва. Адан куьмекдалди мумкинвилер авай ватанэгьлийривай чпин хайи районриз, хуьрериз, яшлубуруз, дарда авай хизанриз, мектебра кIелзавай аялриз милли чIалал акъатзавай газет кхьиз жезва. Мергьяматлу и серенжемда иштиракиз ва 2023-йис патал “Лезги газет” кхьиниз талукь суалар гуз кIанзавайбурувай чахъ галаз телефондин 8-928-584-16-72 нумрадин куьмекдалди алакъадиз экъечIиз жеда.

Мадни: Махачкъалада яшамиш жезвай ватанэгьлийривай газет редакциядайни кхьиз жеда: йис патал – 325 манат. И дуьшуьшда газет гьар са касди редакциядай вахчуна кIанзава.

Дагъустандилай къецепата авай стхайривайни вахаривай «Лезги газет» электронный къайдада (пдф-формат) газетдин сайтдай кIелиз жеда.

Играми стхаярни вахар! Ша чна вирида “Лезги газет” кхьин! Ам куьне хайи чIал хуьник кутазвай пай хьурай!

«Лезги газет»