КцIарай хабарар

4-мартдиз КцIар шегьердин Гьайдар Алиеван тIварцIихъ га­лай медениятдин дараматда­ лезги шаир Эйваз Гуьлалие­ван (Гуьлалийрин Эйваз) цIийи ктабдин презентация кьиле фена. Ам Бакудин мультикультурализмдин международный центради чапдай акъуднава. «Хкянавай эсерар II» 13 йисалай гзаф вахтунда  лезги эдебиятдин «Марвар» кIватIалдиз регьбервал гузвай шаирдин къе­лемдикай хкатнавай 10-ктаб я.

ЦIийи ктабдиз талукьарна­вай­ мярекатда Бакуда авай лез­ги милли медениятдин «Са­мур» макандин, Бакудин муль­ти­­куль­­ту­рализмдин между­на­родный­­ цент­радин кьиле­ авайбуру­, КцIар райондин адми­нист­ра­ция­­­­дин, медениятдин ида­рай­рин векилри, чкадин ва Къубадай, Хачмазай атанвай ша­ирри, шииратдал рикI алай ксари иштиракна.

Гзафбуру шииррин, манийрин гьиссерив ацIанвай мярекатда Эйваз Гуьлалиеван эсеррикай чпин фикирар лагьана, адан алакьунар, агалкьунар къейдна. Манидарри адан гафариз туькIуьрнавай манияр та­мамарна.

Шаирдин дуст, «Алам» журналдин кьилин редактор Камран Къурбаналиева кьиле тухвай мярекат вирида хушдиз кьабулна.

Чи  мухбир