Хъсан кIелдайди
25-февралдиз Дербент райондин Белиж поселокдин М. Ярагъидин тIварцIихъ галай 1-нумрадин юкьван мектебда РД-дин образованидин ва илимдин министерстводи тухузвай «Дагъустандин авторрин яратмишунар дидедин чIаларал хъсандиз кIелдайди» конкурсдин муниципалитетдин дережа кьиле фена.
Конкурсдин къайдайрал асаслу яз, мярекатда цIи, сифте яз, райондин школайрин 10-классра кIелзавай аялри иштиракна, - икьван чIавалди конкурсда анжах 11-классдин аялри акъажунар ийизвай.
Иштиракчияр тебрик авуналди, мектебдин директор И. Заловади, райондин РУО-дин дидед чIаларин методист З.Давудовади, и цIарарин авторди мярекат кьиле тухунин важиблувал къейдна ва аялриз агалкьунар хьун алхишна.
Конкурсдин нетижада Эльвина Шагьмарданова (Белиждин 2-нумрадин СОШ, муаллим - Ж. Айвазова) - 1-чкадиз, Хадижа Фатуллаева (Араблинкадин СОШ, муаллим - З. Мегьамедшерифова) - 2, Светлана Таибова (Белиждин 1-нумрадин СОШ, муаллим - А. Къачаева) ва Махач Азизов (Агълабдин СОШ, муаллим - Р. Сардарова) 3-чкайриз лайихлу хьана.
Гъалибчидиз ва приздин чкаяр кьурбуруз РУО-дин патай шабагьар гана. Эльвина Шагьмардановади конкурсдин республикадин паюна иштиракда.
Къагьриман Ибрагьимов