11-14-июлдиз Бишкек шегьерда (Къиргъизистандин меркез) азаддиз юкьварар кьунай «U20» лишандик кваз жегьилрин арада Азиядин чемпионат кьиле фена. Ана чи ватанэгьли Камил Куругълиевани иштиракна.
К. Куругълиева акъажунра сифтегьан бягьсер хъсандиз кьиле тухвана. Къиргъизистандай, Китайдай, Япониядай тир пуд спортсмендин винел гъалибвилер къачуналди, ам финалдиз акъатна. Амма гъалибвилив агакьдалди са кам амаз К.Куругълиев Ирандай тир спортсмен Эрфан Ализадедиз кумукьна. Нетижада адакай Азиядин кIвенкIвечивилин акъажунрин гимишдин медалдин сагьиб хьана.
РикIел хкин, бине Хив райондин Цналрин хуьряй тир Камил Куругълиев машгьур спортсмен Даурен Куругълиеван имидин хва я.
Чи мухбир
