Дагъустанда ЧIехи Гъалибвилин 80 йис тамам хьун гегьеншдиз ва шад гьалара къейдда. Республикадин Гьукуматдин пресс-къуллугъди хабар гузвайвал, регионда Гъалибвилин сувариз талукьарнавай чIехи 150-далай виниз мярекатар тешкилдайвал я.
«Ватандин ЧIехи дяведа Гъалибвал къачурдалай инихъ 80 йис тамам хьун вини дережада аваз къейд авун патал Дагъустанда гиламаз гьазурвилер аквазва. Кьилди къачуртIа, женгининни ватанпересвилин тах квай 150-далай артух мярекатар кьиле тухудайвал я», — къейднава малуматда.
Алатай вацран эхирра РД-дин Гьукуматдин Председателдин заместитель Муслим Телякавован регьбервилик кваз республикадин дережада аваз арадал гъанвай «Гъалибвал» комитетдин заседание кьиле фена. Анал Гъалибвилин 80 йисан юбилейдин сергьятра аваз тешкилдай мярекатрин план веревирдна.
Малум хьайивал, мярекатрин арада виридалайни кьилинди Гъалибвилин парад жеда. Идалай гъейри, «Рекьин тийир полк», «Гъалибвилин тIаратI», «Эбедивилин шем», «Ватандин Игитрин Вахта» ва са жерге маса серенжемарни гзаф кьадар инсанрин иштираквал аваз кьиле тухуда.
Гегьеншдиз РД-дин Гьукуматдин сайтдай кIелиз жеда.
Агьмед Магьмудов
