23-сентябрдиз Дагъустандин Кьил Сергей Меликова мулкар вилик тухудай Фондунин генеральный директор Василий Купызинахъ галаз республикада и Фондунин программаяр кьилиз акъудунин месэлаяр веревирдна.
В. Купызина къейд авурвал, Фондуни Дагъустандиз чкадин агьалияр патал яшайишдин къулай шартIар арадал гъунихъ галаз алакъалу месэлаяр гьялунин карда куьмекзава.
«Иник инфраструктурадин проектар, агьалияр чкIидай гьалда авай кIвалерай цIийибуруз куьчарун ва масабур акатзава. Мисал яз, Фондунин ЖКХ-дин къурулуш цIийикIа туькIуьр хъувунин программадин сергьятра аваз, Дагестанские Огни шегьерда кьакьан гьавайрин кIвалериз чим гунихъ галаз алакъалу проект кьилиз акъудна. Ихьтин мисалар мадни гъиз жеда», — лагьана Фондунин регьберди.
Сергей Меликова къейд авурвал, республикадин гьукумдин вилик акъвазнавай кьилин месэлайрикай сад чкадин агьалийрин уьмуьрдин ери хъсанарун я. Агьалияр чкIидай гьалда авай кIвалерай цIийибуруз куьчарун, адан гафаралди, важиблу кIвалах я. Дагъустанда и кардиз талукь программа Фондунин куьмекдалди хъсан нетижаяр аваз кьилиз акъудзава. Региондин Кьили хабар гайивал, къенин юкъуз 1,6 агъзур кас цIийи кIвалералди таъминарнава. Йисан эхирдалди мадни 460 кас цIийи кIвалериз куьчарун фикирдиз къачунва.
…Гуьруьшдин эхирдай С. Меликова республикада авай са жерге месэлаяр гьялунин карда куьмекар гунай В. Купызиназ сагърай лагьана ва Фондуни идалай кьулухъни республикадихъ галаз амадагвилин алакъаяр хуьдайдак умуд кутуна.
Гегьеншдиз РД-дин Кьилин сайтдай кIелиз жеда.
Чи мухбир
