МФЦ-дин идарайра эменнидин ва сагъламвилин страхованидин (СПАО «Ингосстрах») 20 къуллугъ кьилиз акъудзава. Пешекарри хабар гайивал, МФЦ-да ихьтин страхованияр туь­кIуь­риз жеда:

- улакьдин (бедбахтвилин дуьшуьш­риз, хуниз ва чуьнуьхуниз талукь яз) страхование;

- улакьдин тадаракар, агрегатар ва маса затIар;

- машин гьалзавайдан ва пассажиррин сагъламвал;

- улакьда авай пар;

- ипотекадин тамам страхование;

- эменнидин тамам страхование;

- бедбахтвилин дуьшуьшриз талукь страхование;

- жуван гуьгьуьлдалди ийизвай медицинадин страхование;

- къецепатан уьлкведиз фейила медицинадин рекьяй авур харжийриз талукь страхование ва хейлин мсб.

Страхованийрин патахъай МФЦ-диз фидайла, жував хсуси паспорт ва эменнидин ихтиярар тестикьарзавай документар гваз хьун герек я.

"Лезги газет"