9-сентябрдиз Махачкъалада, РДЮСШ-дин стадиондал, УФСИН-дин начальникдин заместитель, къенепатан къуллугъдин полковник, бедбахтвилин дуьшуьшдикди телеф хьайи Мегьамед Муртазалиеван экуь къаматдиз бахшна, мини-футболдай гьар йисуз тешкилзавай турнир кьиле фена.
Ам ачухуниз талукьарнавай шад мярекатда УФСИН-дин кьиле авай ксари, УИС-дин ветеранри, кIвалахдин рекьяй юлдашри ва рагьметлудан багърийри иштиракна. Мегьамед Муртазалиеван пешекарвилин виниз тир ерияр, кIвалахдиз вафалувал, инсанвилин къилихдин кьетIенвал ва къуллугъ вилик тухуник кутунвай пай, турнир ачухдайла, гаф гайи УФСИН-дин начальникдин заместитель, къенепатан къуллугъдин полковник Рашид Зайнулабидова рикIел хкана.
Турнир, къуллугъдин везифаяр кьилиз акъуддайла, телеф хьайибурун экуь къаматар, са декьикьада кисна акъвазуналди, рикIел хкунилай башламишна. 12 командадин арада къизгъиндаказ кьиле фейи къугъунрин нетижада 1-СИЗО-дин команда 1-чкадиз лайихлу хьана.
Р. Рамалданова
