Августдин сифте йикъара Сингапурда пляждин самбодай дуьньядин V чемпионат кьиле фена. Дуьньядин 20 уьл-кведай тир милли командайри иштиракай и акъажунра Россиядин хкянавай команда, вири санлай 7 медаль (абурукай 3 къизилдинбур) къазанмишуналди, 1-чкадиз лайихлу хьана. Румыниядин ва Къазахстандин хкянавай командайри 2 ва 3-чкаяр кьуна.

Шадвилелди мадни а кардикай хабар гуз кIанзава хьи, уьлкведин хкянавай команда гьуьндуьр дережадиз акъатуник пай кутурбурун арада чи ватанэгьлини ава. ИкI, уьлкведин милли командадик кваз, вичин ери-бине Мегьарамдхуьруьн райондин Кркарин хуьряй тир, алай вахтунда Тюмендин областдин Радужный шегьерда яшамиш жезвай Эльдар ГЬАЖИЕВ 71 кг-дин заланвал авайбурун арада дуьньядин чемпионвилин тIварцIиз лайихлу хьана.

Рагнеда Рамалданова