11-майдиз «Докъузпара район» МР-дин кьил Абдурагьим Алискерова хсуси месэлайрин патахъай агьалияр кьабулна. И гьакъиндай «Лезги газетдиз» Докъузпара райондин администрациядин пресс-къуллугъди хабар гузва.
Икl, Къалажухрин хуьряй тир Венгриядин вакъиайрин иштиракчи А.Гъирчехъанова ветеранриз талукь тир кьезилвилер-льготаяр гун патал вичиз куьмек гун тlалабна. И месэладай кьил акъудун патал райондин кьили юридический отделдин начальник М.Крымоваз талукь тир тапшуругъ гана.
Гьа и хуьряй тир Испатов Гьидаята вичин кlвалин патав гвай рекьин къерехда авай чилин участок вичиз чара авун тlалабна. Экономикадин отделдин пешекар М.Межидова къейд авурвал, азад чка авачирвиляй арзачиди тlвар кьунвай чилин участок адаз гудай мумкинвал авач.
Санлай къачурла, райондин кьилин патав и юкъуз ирид агьали атана. Вири месэлаяр Абдурагьим Алискерова вичин гуьзчивилик кутудайди лагьана.
«Лезги газет»
