Дагъустан Республикада терроризмдин идеологиядиз аксивал авунин комплексный госпрограмма уьмуьрдиз кечирмишунин сергьятра аваз, кlелзавай аялриз ватанпересвилин ва ахлакьдин тербия гунин кlвалах хъсанарунин, 12-17 йисан яшара авай аялри чпиз дуьздаказ военный пеше хкягъунин, аялринни жегьилрин арада сагълам уьмуьрдин къайдаяр тестикьарунин,  Ватандин Чlехи дяведин тарихдай, ОБЖ-дай, НВП-дай ва физподготовкадай  аялрин чирвилер, вердишвилер, алакьунар ахтармишунин мураддалди  Казбек райондин Дубки поселокда «Гъалибвилин ялав» тlвар алаз спортдинни ватанпересвилин фестиваль кьиле фена.

  Ана Махачкъаладин, Дербентдин, Каспийскдин кадетрин корпусри, кадетрин ва казакрин классри, гьакlни «Юнармиядин» отрядри иштиракна.

Фестиваль 2016-йисан гъалибчияр хьайи Дербентдин кадетрин школа-интернатдин векилри ачухна.

12 командадин арада 6 номинациядай акъажунар кьиле фена:

«Аскервилин вердишвал»,   «Вахт физва- рикlера эбеди я». «военнизированный эстафета»,   «Калашникован автомат  чукlурун ва кlватlун», «Чи тарихдин чинар» , «Чун Россиядин гележег я».

Советрин Союздин Игит Валентин Эмирован тlварунихъ галай, пак князь А. Невскийдин ордендин сагьиб Дербентдин кадетрин корпусди мад сеферда лап вини дережадин нетижаяр къалурна,  ругуд номинациядайни  сад лагьай чкаяр кьуна.

Мярекат гъалибчийриз ва призерриз шабагьар ва пишкешар гуналди акьалтlарна.

Къагьриман Ибрагьимов