22-августдиз Дербент шегьердин шамагьаждин тама Россиядин Федерациядин пайдахдин йикъаз талукьарна ватанпересвилин флешмоб хьана.

Флешмоб тешилайбур шегьердин жегьилринни жемиятдин организацияр тир.  Абуру анал 30х25 метрдин Россиядин триколордин парча ахъайна.

Гьа и юкъуз шегьердин «Вилла Виктория» комплексда  Россиядин Федерациядин Пачагьлугъдин пайдахдин йикъаз талукьарна СВО-да иштиракзавайбурун аялриз «РикIяй рикIиз» мергьяметлувилин акция тешкилна тухвана.

Дербент шегьердин администрациядин кьилин заместитель Видади Зейналова мярекатда кIватI хьанвай махсус военный серенжемдин  иштиракчийрин аялриз, дидейриз, папариз Россиядин Федерациядин Пачагьлугъдин пайдахдин югъ тебрикна.

Анал тебрикдин хуш келимаяр гваз шегьердин собранидин депутат Султан Гьамзатовни рахана.

Мярекат тешкилнавай «Вилла Виктория» комплексдин генеральный директор Мурад Семедова сувар анжах аялар патал тешкилнавайди къейдна: «Аялар чи гележег я. Вири аялриз лугьуз кIанзава, зун гьамиша куь къвалав гва. Къе ина кIватI хьунай куьн сагърай. Вири куьн патал я», — лагьана ада.

Мярекат вижевай концертдин программа гваз экъечIай «Бахтлу аялар» вокалдин студияди, машгьур манидарар Султан Айгизиди, Эльнара Рзаевади, Руслан Ибрагьимова ва «Пуд дуст» яратмишунрин триоди халисан сувариз элкъуьрна.

Къагьриман Ибрагьимов