2030-йис алукьдалди Дагъустанда, цIийи «Экологиядин жигьетдай пайгарвал» милли проектдин сергьятра аваз, тахминан 1,5 агъзур гектарда цIийи тамар кутада. Идакай РД-дин тамарин майишатрин рекьяй комитетдин кьил Вагьаб Абдулгьамидова хабар гузва.
Малум хьайивал, эхиримжи вад йисан вахтунда, милли «Экология» проектдин сергьятра аваз, Дагъустанда 1 агъзурни 278 гектардин чиле там тIебии тушир къайдада гуьнгуьна хтунин серенжемар кьиле тухванва.
В. Абдулгьамидован гафаралди, тамарин ресурсар идара авунин месэладив вири терефар фикирда кьуна эгечIуни Дагъустандин тамарин девлетар нетижалудаказ ишлемишунин ва хуьнин месэла гьялиз куьмекда. Ада гьисабзавайвал, цIийи милли проектди неинки хьанвай нетижаяр хуьз куьмекда, ада гьакIни республикадин тамарин майишат дурумлудаказ виликди тухунин, еримлу авунин бине кутада.
Чи мухбир
