Мукьвара тарихдин илимрин доктор, востоковед Замир Закарияеван «Мусульманская эпиграфика Южного Дагестана. Том I. Надписи Ахтынского района» тIвар алай цIийи ктаб чапдай акъатнава.
Ктабда авторди Ахцегь районда авай эпиграфикадин чешмейрин (асул гьисабдай къванерал авунвай кхьинрин) тарихдикай, надирвиликай, кьетIенвилерикай ихтилатзава.
Кьилди къачуртIа, алимди тарихдин 500-дав агакьна кхьинар атIанвай чешмеяр винел акъуднава.
Къейд ийин хьи, Замир Закарияева Кьиблепатан Дагъустандин эпиграфикадин ирсиниз талукьарна гьазурнавай са шумуд макъала «Лезги газетдизни» акъатнай.
Чна адаз илимдин рекье къачунвай нубатдин кам мубаракзава ва адахъ мадни еке агалкьунар хьана кIанзава.
Чи мухбир
