25-26-январдин йикъара Да­гъус­­танда регионрин умуми «Про­ст­ранст­венный делилрин­  милли­ къурулуш. Тамам ва дуьз сиягь»­ форум кьиле фида. Мярекатда­ иштиракдай фикир авайдакай Россиядин 21 региондай тир 900 касди малу­марнава. Абурун арада­, гьа жергедай яз, му­ниципалитет­рин администраций­рин ва гьу­кумдин органрин кьи­лер­ ава. 

Форум Дагъустандин­ гьукумат­ди ва РД-дин чилерин­ни эменнидин алакъайрин ми­нистерст­води тешкилнава. Хабар­­ гуз­вайвал, мяре­катда Росре­естр­дин кьилин­ заместителар­ тир Татьяна Громовади­ ва Алексей Бу­товец­кийди ишти­ракда. Росреестрдин регьбер­ Олег Скуфинскийди, гьакIни­­ РФ-дин исполнительный власт­дин органрин векилри мя­­рекатда видеоконференциядин къайдада иштиракдайвал я.

Форумдин сад лагьай юкъуз­ Махачкъалада ачух веревирдер, пленарный заседание кьиле фида. Кьвед лагьай юкъуз мярекатдин иштиракчияр Дербентдиз мугьман жеда. Ана абур патал­ культурадин программа гьазурна­ва. Ри­кIел хкин: «пространственный делилрин милли къурулуш» (НСПД) уьлкведин вири­ майдандал кьилиз акъудзавай проект я. Ада федеральный ва регионрин дережадин чилериз ва юзан тийи­дай эменнидиз талукь делилрин системаяр санал кIватIда.

СКФО-дин вири субъектрин арада НСПД-дин госпрограмма арадал гъунин жигьетдай Дагъус­тан ахтармишунин сад лагьай регион хьанва. Ам уьмуьрдиз кечирмишуни юзан  тийидай эменни хсусиятдиз къачунин гьерекатар  кьезиларда, инвестицийрин жигьетдай республикадин къешенгвал артухарда ва регионда карчивал патал  шартIар  хъсанарда.

Амина Муслимова