9-апрелдиз РД-дин Кьил Сергей Меликов Дагъустандин Огни шегьерда авай яшайишдин са жерге объектриз килигна, чкадин агьалийрихъ галаз ихтилатарна ва ада «Дагъустан Стекло Тара» ООО-дин цIийи цех техникадин рекьяй кардик кутунин мярекатда иштиракна.
ЦIийи цехда авай алай аямдин шуьше арадал гъидай пичини ва тадаракди йисан муддатда шуьшедин 144 миллион къаб акъуддай мумкинвал гуда. Ихьтин пичиниз тешпигьди уьлкведа мад авач.
Суьрсетдин надирвал ам я хьи, шуьшедин къаб кьезилди ва гьа са вахтунда еридиз мягькемди жеда. ЦIийи цех себеб яз, кIвалахдай 170 чка пайда жеда.
Проектдин умуми къимет 1,6 миллиард манат я. Ам кьилиз акъудуник промышленность вилик тухунин фондуни къуьн кутуна. РФ-дин промышленностдин ва алишверишдин министерстводин, Дагъустан Республикадин ва «Дагестан Стекло Тара» тешкилатдин арада инвестициядин махсус икьрар кутIуннава. Ида заводдиз 2030-йисалди налогрин пар кьезилардай мумкинвал гуда.
«Лезги газет»
