РД-дин Гьукуматдин пресс-къуллугъди «Лезги газетдиз» хабар гайивал, алатай гьафтеда СтIал Сулейманан районда «Пчеловодство на Кавказе» лишандик кваз чIижерхъанрин форум кьиле фена. Ана РД-дин Гьукуматдин Председателдин заместитель Нариман Абдулмуталибова иштиракна.

Форумди Россиядай, Белоруссиядай­, Китайдай тир чIижерхъанвал вилик тухунал машгъул жезвай тежрибалу пешекарар, гьукумдин органрин, илимдин идарайрин, жемиятдин тешкилатрин векилар, Дагъустандин жуьреба-жуьре районрай атанвай чIижерхъанар санал кIватIна.

Мярекатдин сергьятра аваз, иштиракчийри чIижерхъанри арадал гъизвай суьрсетдин ери хъсанаруниз, и карда инновациядин технологийрикай менфят къачуниз, чIижерхъанвал вилик тухун патал государстводи кьабулзавай серенжемриз, чIижерхъанри илимдин идарайрихъ галаз хуьзвай алакъайриз талукь месэлаяр веревирдна.

Кьилди абур экологиядин, чIижер жуьреба-жуьре азаррикай хуьнин, гьасилзавай суьрсет ветери­нариядинни санитариядин ис­те­мишунрив­ кьадай­ди хьунин мес­э­лай­рални акъвазна­. ЧIи­жерхъанриз чIи­же­риз «Меркурий» ФГИС къурулушда чарасуз маркировка гьазурдай ва виртIедиз «Да­гъустандин суьрсет»­ бренд къачудай къай­дайрикай ихтилатна. Къейд ийин хьи, форум Да­гъустандин чIижерхъанрин Ассоциацияди Россиядин чIижерхъанвилел машгъул пешекаррин Гильдиядихъ галаз санал тешкилнавай.

Мярекатдикай гегьеншдиз РД-дин Гьукуматдин телеграм-каналдай кIелиз жеда.

Чи  мухбир