14-майдиз РД-дин Гьукуматдин Председатель Абдулмуслим Абдулмуслимова Казань шегьерда (Татарстан Республика) «Kazan Halal Market» лишандик кваз тешкилнавай гьалал суьрсетдин международный мекера ачухунин мярекатда иштиракна. Им международный экономикадин 15-сеферда тешкилнавай «Россия — Исламский мир: KazanForum» форумдин сад лагьай мярекат хьана.
Мекерада, санлай къачурла, 72 карханади иштиракна. Абурун арада къецепатан уьлквейринбурни авай, месела — Туьркиядин, Ирандин, Къазахстандин…
А. Абдулмуслимова Дагъустандин Кьил Сергей Меликован патай Татарстандин кьил Рустам Миннихановав саламар агакьарна ва мекерадихъ экономика вилик финин жигьетдай еке метлеб авайди къейдна.
Форумдин сергьятра аваз Дагъустандин премьер-министрди агропромышленностдин «Казань» паркунин директор Олег Власовахъ галаз гуьруьш кьиле тухвана. Малум хьайивал, агропаркунин комплексдив уьлкведин регионрай гьар жуьредин суьрсет агакьзава. Кьилди къачуртIа, Дагъустанди лапагдин якни помидорар рекье твазва.
Гуьруьшдин вахтунда А. Абдулмуслимова О.Власоваз чкадин хуьруьн майишатдин карханайрин кIвалахдихъ галаз таниш хьун патал Дагъустандиз атун теклифна. Дагъустандихъ Татарстандиз рекье твазвай хуьруьн майишатдин суьрсетдин кьадар артухардай ният ава.
Агропромышленностдин «Казань» паркунин мулкунин майданди 50 агъзур кв. метр тешкилзава. Ина хуьруьн майишатдин суьрсет кьабулдай, гьялдай ва маса гун патал муьштерийрал агакьардай комплексар кардик ква.
Чи мухбир
