Дагъустанда ЕГЭ вахкузвай кьилин вахт акьалтIна. Мектебар куьтягьзавайбуру 11-июндиз эхиримжи имтигьан вахкана. Кьабулиз жедай себебар аваз, имтигьандиз татайбурухъ чпин чирвилерин дережа ахтармишдай мумкинвал мад ава — абурувай имтигьан  резервдин вахтунда вахкуз жеда.

Школьникри вахкай эхиримжи имтигьанар информатикадайни ингилис чIалай тир. И имтигьанар компьютерный къайдада  кьиле физвайбурук акатзавай.

Школа куьтягьунин гьа­къин­­дай  шагьадатнама  къачун­  па­­тал­ 11-класс акьалтIар­за­вай­бу­ру урус чIалайни математикадай­ чарасуз имтигьа­нар вахка­на кIан­­­зава. РД-дин об­ра­зо­ва­ни­дин ва илимдин­ минис­тер­ст­во­дин пресс-къуллугъдин ма­лу­матрай якъин хьайивал, алай йисуз выпускникри урус чIа­­­ла­лайни математикадилай гъейри, алава предметар яз био­ло­гияни обществознание хкянава.

Алай вахтунда ЕГЭ вахканвайбуру нетижаяр вилив хуьзва. Имтигьандай атанвай баллрилай школьникривай гьихьтин вузрик экечIиз жедатIа аслу я.

Лезгият  Шагьпазова, ДГУ-дин магистрант