И йикъара Мегьарамдхуьруьн райондин кьил Нариман Эфендиева армрестлингдай дуьньядин чемпион Аким Гьамзатоваз агалкьун шад гьалара тебрикна.
Спортдин кесерлу майданра гила 2-сеферда гъалибвал къазанмишнавай районэгьлидиз агалкьун рикIин сидкьидай тебрикунихъ, гележегда мадни кьакьан кукIушар муьтIуьгъардай къуватар хьун алхиш авунихъ галаз сад хьиз, адав спортдин рекье къалурнавай агалкьунрай райадминистрациядин гьуьрметдин грамота вахкана.
Чими келимаяр Н. Эфендиева спортсмендин тренер, армрестлингдай дуьньядин чемпион, Россиядин лайихлу тренер ва спортдин мастер Малик Тагьирбегован тIварцIихъни лагьана. Дуьньядин кесерлу майданра агалкьунар къазанмишуналди, спортсменри хайи маканрин, республикадин ва уьлкведин тIвар мадни хкажзавайди къейдна.
РикIел хкин: армрестлингдай дуьньядин чемпионат Болгариядин Албена шегьерда кьиле фенай, ана чи миллетдин пуд векилди кIвенкIвечи чкаяр кьунай.
Регина Семедова
