Сергей Меликова 27-ноябрдиз ачух эфирдай дагъустанвийрин суалриз жавабар гуда, агьалийрик къалабулух кутазвай важиблу месэлаяр веревирдда. Ачух эфирдин мярекат алатай йисарани 4 сеферда тешкилнай. РД-дин Кьилин пресс-къуллугъди хабар гузвайвал, агьалийрилай суалар гьеле са шумуд югъ идалай вилик кьабулиз гатIунна.
«Жезмай кьван гзаф суалриз жавабар гуз алахъда. Гьатта эфирдиз куь суал акъат тавуртIани, ам фикир тагана тадач, жаваб агакьарда. Авай месэлайрин патахъай куьне къайгъу чIугвазвайвиляй чалай хейлин крар ийиз алакьнава — дарманралди ва газдалди таъминарунин, вири республикадиз талукь жезвай чIехи проектар кьилиз акъудунин месэлаяр…», — кхьенва Сергей Меликова вичин телеграм-каналда.
Агьалийривай чпин суалар, теклифар «VoprosGIaveRD.ru» порталдай, МАХ мессенджерда авай «VoprosGIaveRD_bot» чат-ботдай ва телефондин 8 (8722) 98-90-81 нумрадай агакьариз жеда.
Ачух эфир «Дагъустан» РГВК, «Дагъустан» ГТРК, ННТ, «Среда-ТВ» телеканалрай ва маса чешмейрай, соцсетрай къалурда.
«Лезги газет»
