12-августдиз РД-дин Гьукуматдин Председатель Абдулмуслим Абдулмуслимов Дагъустандин УФСИН-дин 2-нумрадин ИК-диз (исправительная колония) мугьман хьана. Россиядин ФСИН-дин РД-да авай Управленидин начальникдин везифаяр вахтуналди тамамарзавай Расим Мегьтиевахъни адан заместитель Абдулхакь Абдулхакьовахъ галаз санал премьер-министр ИК-да парталар цун, яшайишда герек къведай жуьреба-жуьре затIар гьазурун, ракьукай, кIарасдикай гьар жуьредин затIар арадал гъун патал кардик кутунвай производстводихъ, дустагънавайбур патал авай шартIарихъ галаз таниш хьана.
РикIел хкин, А. Абдулмуслимов 2-нумрадин ИК-диз 2023-йисузни фенай. А чIавуз государстводин ва муниципалитетрин игьтияжар патал гьар жуьредин суьрсет арадал гъун патал заказар кьабулунин жигьетдай икьрарар кутIуннай. Абурун арада республикада авай «БОФФ» ООО-дихъ галаз санал къулар чIугунвай документни авай. Гьукуматдин Председатель и икьрардин сергьятра аваз кьиле тухузвай кIвалахдихъ галаз таниш хьун патал кIвачин къапар цвазвай цехдиз килигна.
Къейд ийин хьи, цехда кIвалахзавайбур жуьреба-жуьре тахсиркарвилерай дустагънавайбур я. «БОФФ» карханадин заказдалди абуру алай йисан сад лагьай паюна къиметдин умуми кьадар 3 миллион манатдиз барабар кIвачин къапар цванва.
Дагъустандин УФСИН-ди республикадин мулкарал алай ИК-ра кIвачин къапар цунин кIвалах вилик тухун патал 2,5 миллион манатдин къиметдик квай производстводин 34 уьлчме маса къачуна.
Гегьеншдиз — РД-дин Гьукуматдин сайтдай кIелиз жеда.
Агьмед Магьмудов
