Вологдадин областда яшамиш жезвай чи ватанэгьли Нуьсрет Гьуьсейнова грэпплингдай уьлкведин дережада аваз кьиле фейи акъажунра 2-чка кьуна.
Россиядин чемпионат Иваново шегьерда кьиле фена. Финалдин бягьсина Н. Гьуьсейновахъ галаз майдандиз дуьньядин чемпион экъечIна. Бягьс 3:3 гьисабдалди акьалтIнатIани, судьяйри чи ватанэгьлидиз 2-чка гана.
Н. Гьуьсейнован гъалибвилин кьетIенвал адакай ибарат я хьи, адал къведалди Вологдадин областдай мад садавайни грэпплингдай ихьтин нетижа хьанвач.
Уьлкведин кесерлу акъажунра 2-чка кьуни адаз спортдин мастервилин тIвар къачудай ва «6 гъед» лишандик кваз цIи Сербияда кьиле фидай дуьньядин чемпионатда иштиракдай мумкинвал гана.
Чи мухбир
