7-ноябрдиз чав Москвадай шад хабар агакьна. «Лужники» стадион­дин «Дуст­вал» залда азаддаказ ва грек­ринни римлуйрин жуьреда­ кьурша­хар кьунай кьиле фейи PWL-дин­ (профессиональ­ная бор­цов­ская лига) чемпи­о­нат­да чи ватан­эгьли Али Ярагьмедова жа­ванрин­ арада (110 кг-дин заланвал­ авайбурун арада) къизилдин медаль къазанмишна.

Адахъ галаз бягьсиниз экъечIай Валерий Бекойты Алидиз 11:0 гьисабдалди кумукьна. 

РикIел хкин, Махачкъалада Гьамидован тIвару­нихъ галай спортшколада ви­чин буба Тимур Ярагьмедован ва Жамал Алиеван гъилик устадвал хкажзавай Алиди вичин къуватар азаддаказ ва грекринни римлуйрин жуьреда кьуршахар кьунай ахтармишзава. Кьве жуьредайни ада хъсан агалкьунар къазанмишзава.

Рагнеда Рамалданова