Скачать

«Лезги газетдин» 12-нумра чапдай акъатнава. Ам 20-мартдиз Махачкъалада, ДГПУ-дин дараматда, кьиле фейи лезги чIалан форумдикай кхьенвай макъаладилай гатIунзава. Газетдин и нумрадай хабар жезвайвал, алай йисан 30-мартдиз Махачкъалада, РАН-дин ДНЦ-да чи машгьур алим Букар Талибов рикIел хкуниз талукьарнавай межлисни кьиле фида.

Нумрадин 2,3-чинра республикадин сиясатдинни жемиятдин уьмуьрда кьиле фенвай вакъиайрикай хабар гузва.

Зурба алим ва илимдин къагьриман Амри Рзаевич Шихсаидовакай кхьенвай макъалади 4-чин кьунва.

Алай йис чи класскик Етим Эминан 180 йисан юбилейдинди тирди фикирда кьуна, и нумрадин 5-чина ада шииратдин ирсиниз талукь макъалаяр чапнава.

Муьзеффер Меликмамедова шаир Седакъет Керимовадикай кхьенвай «Женгчи тешкилатчи — ватанперес» макъалани фикир желбдайди хьанва. Авторди макъаладин кьилин игитдиз хас ватанпересвилин ерийрикай ва Бакуда лезги чIалал «Самур» газет чапдай акъудзавай шартIарикай суьгьбетзава.

Къейд ийин хьи, и нумрада Лезгинцеврин гуьмбетдиз, яран сувариз, Шииратдин международный йикъаз, экономикадизни медицинадиз, диндиз талукь ва маса темайрай кхьенвай макъалаярни гьатнава.

12-нумрада Бедирхан Эскендерован «Дербентдай тир шейх» тарихдин макъаладин кьвед лагьай пайни хганва.

«Чи ватанэгьлияр – гьар сана» рубрикадик кваз и сеферда бажарагълу художник Фаргьад Беговакай ихтилатнава.