Гьамишанда рикIеваз…

 

Зун дидеди хана, хвена жуван ватан хуьн патал,

Атанач хьи зун дуьньядиз иллаки са тIуьн патал.

Армидизни фейид я зун, герек хьайтIа, кьин патал,

Шарвилини Куьре Мелик гьамишанда рикIеваз.

 

Арменида, СВО-да игитвилелд къуллугъна,

Писни хъсан чирна жуваз, чIехибурал алукьна.

Терхеба хьай нацистар за гуьллейралди алугна,

КичI тийижир зи миномёт жуван эрчIи къуьневаз.

 

Жувахъ галай юлдашризни руьгьдин къуват гана за,

Чи Меликан «Къул хуьз экъеч!» гафар рикIел гъана за,

Чи душманрин шад гуьгьуьлар лап кIевелай хана за,

Регьбервал гуз викIегьвилелд, са взводдин кьилеваз.

 

Югъ-къандавай хурал къвана къизилверекь медалар…

Шадарна за ярар-дустар, жуван кесиб хизанар.

Пехъи хьана и кар акур катун кьунвай душманар,

Хар къурна чал, фадлай абур авай кьван чи гелеваз.

 

Заз жув-жувал хтай чIавуз акуна гъил амачиз,

Ханва кIвачни, беден жуван зерре юзун жезмачиз…

Куьре Мелик, эхнай вуна, кана, вилер амачиз…

КIанзава заз физ душмандал, яракь амай  гъилеваз…

«Лезги газетдин» 2026-йисан 24-нумрадай