Дагълух Чеперин хуьре дидедиз хьайи шаир яргъал йисара Муьшкуьрда яшамиш хьана. Ам Гьажи Давуд кьиле аваз лезгийрин персеризни туьрквериз акси женгерин гьерекатрин иштиракчи тир.

Адан «Гьажи Давудакай кьисадай» ягъунрин шикилар аквазва: «Рапрапзавай гапурри… Шумуд югъ тир гавурри Самур кIеле рам ийиз, Хуьрерилай кам ийиз… Сулейман — Давудан хва пагьливан, МуьтIуьгъ тежез кикIизвай, ЧIехи женгер чIугвазвай…» Чепиви Наврузан уьмуьрдин ва яратмишунрин рехъ Гъ. Садыкъиди, А. Бутаева, М. Меликмамедова ахтармишна.

«Лезги газетдин» 2025-йисан 13-нумрадай