Скачать

«Лезги газетдин» нубатдин – 11-нумра чапдай акъатнава. Ам уьлкведин Президент Владимир Путин Дагъустандиз атанвайдакай хабар гузвай макъаладилай гатIунзава.

Алай вахтунда Дагъустанда чпин яшар тамам тахьанвай аялриз алиментар тагузвайбурун кьадар гьикьван я? Дагъустанда къанунрал амал тавуна эцигнавай кьакьан мертебайрин шумуд кIвал чукIурда? И ва маса суалриз жавабар газетдин 2-чина ганва.

5-чин филологиядин илимрин кандидат Азиз Мирзебегова Ахцегь Магьарам-эфендидин уьмуьрдикай кхьенвай макъалади кьунва. Ина гьакIни Магьарам-эфендидин Азиз Мирзебегова туьрк чIалай таржума авунвай шиирарни чапнава.

Газетдин и нумрада публицист Абдулафис Исмаилова Нариман Абдулмуталибован «Лезги-урус гафаргандикай бязи фикирар» ва Гьаким Къурбанан «ЧIалан девлет квадар тийин» макъалайрикай кхьенвай материални гьатнава.

Эдебиятдин чина Бикеханум Алибеговадин шиирар ганва. «Чи ватанэгьлияр – гьар сана» рубрикадин сергьятра аваз кIелзавайбур Москвада МВД-дин къурулушда кIвалахзавай чи ватанэгьли Марина Тагьирбеговадихъ галаз танишарзава.

Нумрадин 15-чина тарихдин макъаладиз чка ганва. «Дербентдай тир шейх» макъаладин сад лагьай паюна Тимуран ва Тохтамышан гьужумрикай, Ширванда кьиле фейи яракьлу вакъиайрикай ва маса крарикай суьгьбетзава. Макъаладин автор Бедирхан Эскендеров я.

11-нумрада итижлу маса макъалаярни гьатнава. Буюр, кIела!