Са шумуд югъ идалай вилик Россиядин ФСИН-дин (Федеральная служба исполнения наказаний) Дагъустан Республикада авай Управленида республикадин агьалийрихъ галаз «Прямая линия» кьиле тухвана. Агьалийрилай атай суалриз УИС-да (уголовно-исполнительная система) инсандин ихтияррал амал авунин дестедин чIехи инспектор, къенепатан къуллугъдин майор Камил Гьасанбегова, Россиядин УФСИН-дин патав тешкилнавай общественный советдин председатель Мегьамед Мегьамедалиева ва региондин жемиятдин гуьзчивалдай комиссиядин векил Денис Тарасова жавабар гана.
Серенжемдин макьсад республикадин УФСИН-дин кIвалахдин михьивал къалуруникай ва жемиятдихъ галаз авай алакъа хъсанаруникай ибарат тир. УФСИН-ди и жуьредин диалогдихъ еке важиблувал аваз гьисабзава. Ихьтин серенжемар гележегдани тухунин гьазурвал къалурзава, гьикI хьи, абуру идарадин кIвалахдиз ийизвай ихтибарвал хкажуниз ва кIвалахдин гьакъикъатдин шикил арадал гъуниз куьмекзава.
Суалрин чIехи пай региондин УИС-дин кIвалахдиз, гьа гьисабдай яз, дустагънавай ксар авай шартIариз, абурун ихтиярар чIурунин вилик пад кьунин серенжемриз, гьакIни идарадин къуллугъчияр патал яшайишдин заминвилериз талукьбур тир.
Чи мухбир
