Дагъустанда вацIара цин дережа агъуз аватунихъ галаз алакъалу яз электроэнергия арадал гъунин кьадар тIимил хьанва. Идакай Дагъустандин энергетикадин ва тарифрин министерстводин пресс-къуллугъди хабар гана.
Гьа са вахтунда, министерстводин пешекарри виликамаз кьунвай гьисабунралди, гатун юкьвара яргъалди марфар къуникди, гьакIни зулун сифте кьилерай гьавадин прогнозда къалурнавай къвалрин нетижада гьалар хъсан патахъ дегиш хъжеда.
ИкI, 2023-йисан июндиз, электроэнергия гьасилунин кьадар, майдин вацрав гекъигайла, юкьван гьисабдалди, 64,1 процентдин артух хьана.
РД-дин энергетикадин ва тарифрин министерстводин пресс-къуллугъдин делилралди, винидихъ къейднавай хьтин гьалар амукьайтIа, алай йисан 3-кварталда, 9 вацран нетижаяр фикирда кьуналди, электроэнергия гьасилунин кьадар алатай йисан гьа и муддатда хьайи дережадив агакьариз жеда.
«Лезги газет»
