Ахцегьрин хуьре, Мукьтадир Айдунбегован тIварунихъ галай куьчеда, тарихда сифте яз, 1 километрни 900 метрдин мензилдиз хъвадай цин турба тухвана акьалтIарнава. Идакай Ахцегь райондин администрациядин телеграм-каналди хабар гузва.
Чешмеди къейдзавайвал, муниципалитетдин администрациядин кьилевайбуру кьабулнавай серенжемрин нетижада виликдай цин патахъай кьитвал авай куьчеда яшамиш жезвай агьалийрин кIвалерив гила хъсан еридин яд агакьнава.
“Чкадин жемятдин яшайишдин шартIар къулайбур авунин къайгъуйрик квай Ахцегь райондин кьилевайбуруз агьалийри сагърай лугьузва.
Амма идалди авадан авунин кIвалахар акьалтIнавач. Вилик мадни гзаф кIвалахар кума”, — къейднава муниципалитетдин администрациядин пресс-къуллугъдин малуматда.
Чи мухбир
