Украинада кьиле физвай дяведин махсус серенжемда икьрардин бинедаллаз иштиракзавайбуруз гузвай пулунин такьатрин кьадар артух хьанва. ИкI, са сеферда гузвай пул 3,6-4,1 (пуд миллионни ругуд виш агъзур манатдилай кьуд миллионни са виш агъзур манатдал кьван) млн манатдив агакьнава.
Къейдзавайвал, 3,1 миллион манат пул резервдин полкунин гьисабдай яз Дагъустан Республикадин патай чара ийизва. 400 агъзур манат – уьлкведин бюджетдай, 100 агъзурдалай 600 агъзур манатдал кьван – муниципалитетдай.
Идалайни гъейри, икьрардин бинедаллаз къуллугъзавайбурув гьар вацра 210 агъзур манатдилай тIимил тушиз мажиб агакьда. ГьакIни иштиракчийриз душмандин техника тергунай алава пулар, чилин участок гузва.
«ЛГ»
