ЧукIулдин хер авуна
5-июндин экуьнахъ Какамахи хуьруьн къерехда Къарабудахкент хуьряй тир 29 йисан яшда авай агьалиди вичин дуст чукIулдив яна. Тахсиркарвал авур чкадай ам катна.
РФ-дин УПК-дин 91-статьядин бинедаллаз, шак физвайди полициядин къуллугъчийри кьуна. Шак физвайда хиве кьурвал, пиян гьалда аваз, ада 31 йисан яшда авай, Какамахидай тир вичин дустуниз гуьруьшмиш хьун ва санал хъивегьун теклифна. Хъивегьдай вахтунда абуру идалай вилик чпин арада хьайи бейкефвилер, наразивилер рикIел хкана. Къалмакъалдин нетижада абурукай сада муькуьдан руфун чукIулдалди яна. Хасаратвал хьайидалай машинар квай рекьел кьван физ алакьна. Рекьяй улакь гьалзавай водителдиз ам акуна ва хер алайди ада азарханадив агакьарна.
РФ-дин УК-дин 111-статьядин 2-паюнай (чиз-чиз сагъламвилиз еке зарар гун) уголовный дело къарагъарнава.
Мефедрон жагъана
Дагъустандин МВД-дин УКОН-дин (управление по контролю за оборотом наркотиков) къуллугъчийри Къумторкъала райондин Новокъули хуьруьн къерехда республикадин кьве агьали (31 ва 33 йисарин яшара авай итимар) кьуна. Идакай МВД-дин пресс-къуллугъди хабар гузва.
Ахтармишай вахтунда абурув гваз хьайи 164 граммдин заланвал авай мефедрон дуьздал акъатна. Кьунвайбурув гвай машиндай мад 1065 грамм мефедрон жагъана. Абуруз наркотик тIимил-тIимил маса гудай ният авай.
Тахсиркарвал авунай уголовный дело къарагъарнава.
33 ДТП
Дагъустандин МВД-дин Госавтоинспекцияди хабар гузвайвал, 6-июлдилай 12-июлдалди республикадин рекьера 33 авария хьана. ЧIуру агьвалатрин нетижада 3 кас кьена, 50-дал (абурукай 7 аялар я) жуьреба-жуьре хирер хьана.
Госавтоинспекциядин къуллугъчийри машинар гьалзавайбуруз рекьера гьерекат авунин къайдайрал амал авуниз, мукъаятвал хуьниз эвер гузва.
Гьазурайди — К.Ферзалиев
