Алай йисан 15-июндиз «Россетар Кеферпатан Кавказ» компанияди «Муьштеридин югъ» кьиле тухуда. Идакай компаниядин пресс-къуллугъди хабар гузва. «Энергетикри Кеферпатан Кавказдин фе­деральный округдин вири мулкунал  гьар вацра са сеферда (вацран гьар кьвед лагьай хемис юкъуз)  мярекат кьиле тухуз им са йис туш. Адан макьсад муьштерийрихъ галаз алакъаяр тайинарун, гьакIни компа­ниядин энергетикрин хиве авай ва абонентрин вилик хциз акъвазнавай месэлаяр ­гьялун я», — лугьузва пресс-къуллугъдин векилди.

Къейдзавайвал, мярекатдин иштиракчи­яр,  компаниядин ва адан подразделенийрин­ руководстводихъ галаз рафтарвал авунин нетижада, рикIик квай месэлайрин гьакъиндай гъавурда твада, абуруз меслятар гуда. ГьакIни абуруз сетрихъ галкIуруниз, электросетрин тадаракриз техникадин рекьяй къуллугъ авуниз  талукь яз арадал атанвай месэлаяр тади гьалда гьялиз куьмекда.

Мярекатдин иштиракчи жедай мумкинвал­ гьар са касдиз ава. «Муьштеридин юкъуз»­ меслятар къачунин гьакъиндай арза «Россе­тар Кеферпатан Кавказ» компания­дин же­мятдиз къуллугъ авунин месэлайриз­ талукь гьи офисда хьайитIани гуз жеда. ГьакIни­ и кар «Россетар» Дестедин «кузвай линиядин» сад тир нумрадай — 8-800-220-0-220, генеральный директордин интернет-приемныйдай  ийиз жеда.

«Лезги газет»