Лезги гьикаятчи Сардар Абилакай «Славянское слово» фестивалдин лауреат хьана.

ФЛНКА-дин пресс-къуллугъ­ди хабар гузвайвал, мукьвара­ Подмосковьеда эдебиятдин меж­дународный дережадин IX ла­гьай «Славянское слово» фес­ти­валдин нетижаяр кьуниз та­лу­кьарнавай мярекат кьиле фена.

«Малая проза» номинация­да 1-чкадиз Лезги писателрин союздин председатель, филологиядин илимрин кандидат Сардар Абил лайихлу хьана. Адан къелемдикай хкатнавай гьикаяйрин «Дармовой доход» кIватIалдиз жюриди виниз тир къимет гана.

Къейд ийин хьи, фестиваль Кирилланни Мефодиян тIвара­рихъ галай писателрин международный союзди тешкилнавай.

«Лезги газетдин» редакцияди фадлай газетдихъ галаз­ ала­къаяр хуьзвай Сардар­ Абилаз и агалкьун мубаракзава­ ва адахъ яратмишунрин рекье­ мадни чIе­хи кукIушар муь­тIуь­гъардай къуватар, мумкинвилер хьана кIанзава.

Чи мухбир