РД-дин хуьруьн майишатдин ва недай суьрсетдин министерстводи Махачкъаладин администрациядин ва РД-дин промышленностдинни алишверишдин министерстводин куьмекдалди 23-24-апрелдин йикъара республикадин хуьруьн майишатдин нубатдин мекера кьиле тухуда. Идакай идарадин информациядин къуллугъди хабар гузва.
Мекерадин дезгеяр, идалай вилик хьиз, Махачкъаладин Пушкинан тIварунихъ галай куьчеда (Ярагъ Мегьамедан тIварунихъ галай куьчедилай Леваневскийдин куьчедив агакьдалди) ачухда. Ина муьштерийривай республикадин хуьруьн майишатдин зегьметчийри гьасилнавай, жуьреба-жуьре районрай гъанвай михьи суьрсет базардинбурулай ужуз къиметрай маса къачуз жеда.
Идалайни гъейри, пресс-къуллугъди къейд авурвал, Дагъустандин Кьил Сергей Меликован тапшуругъдалди хуьруьн майишатдин мекераяр республикада мукьвал-мукьвал ва вахт-вахтунда тешкилда.
«Лезги газет»
