Екатеринбургда сентябрдин юкьвара къецепатан 164 уьлкведай атай мугьманрини иштиракай жегьилрин международный фестиваль кьиле фена. Абурун арада Дагъустандин жегьиларни авай – 37 кас.

Фестивалдин сергьятра аваз, РД-дин жегьилрин крарин рекьяй министрдин везифаяр вахтуналди тамамарзавай Камил Саидов Ирандин, Сербиядин, Арабрин Сад хьанвай Эмиратрин делегацийрин регьберрихъ галаз гуьруьшмиш хьана. Суьгьбетдин вахтунда абуру дуствилин алакъаяр мадни гегьеншаруникай, амадагвилин цIийи алакъаяр тешкилуникай, саналди тир проектар уьмуьрдиз кечирмишуникай ихтилатар авуна ва бязи икьрарар кутIунна.

Гьафтедин вахтунда жегьилри образованидин, культурадин, спортдин ва машгъулардай ругуд вишелай виниз серенжемра, мярекатра иштиракна. Дагъларин уьлкведин векилар Африкадин, Латиндин Америкадин, Азиядин жегьилрихъ галаз таниш хьана, абурухъ галаз жуьреба-жуьре темайрай суьгьбетар авуна.

Абад Азадов